200 grønkledde frå KIWI

SAMLANDE: – Dette er eit arrangement som samlar folk, og ikkje minst KIWI-tilsette, frå store delar av Austlandet og Innlandet. Det er ei jamn fordeling av påmeldingar frå både Vestfold, Buskerud, Akershus, Østfold og Oslo, seier Tore Hartmann som er regionsjef i KIWI.

Han fortel at vi på startstreken vil finne både medarbeidarar som er ekstremt gode, mosjonistar og medarbeidarar som i all hovudsak spring for å delta på det sosiale.

– Dette er eit lågterskeltilbod, og folk frå mange av KIWI-butikkane vil springe løypa saman. Det er om lag like mange som er påmelde til 5 km som til 10 km. Med god hjelp frå Sentrumsløpet har vi fått laga eit eige treningsprogram dei tilsette kan følge for å trene seg opp til arrangementet. Treningsprogrammet er tilpassa både de som har sprunge lite eller ingenting, og dei som har litt erfaring, seier han.

I tillegg til dei påmelde har KIWI med fleire frivillige butikksjefar som hjelper til med utdeling i målområdet.

– Dette er eit svært samlande, sosialt og aktivt arrangement for oss, og vi er utruleg stolte over samarbeidet med Sentrumsløpet, som vi har sponsa sidan 2008, seier han.