Mange oppgåver: Det er mange oppgåver som skal løysast av de som melde seg som frivillig.
Vi treng mange frivillige som kan hjelpe til
VI TRENG DEG: Under arrangementet har vi mange oppgåver som skal løysast. Om du ikkje har moglegheit til å springe eller ynskjer å bidra til eit godt arrangement, må du gjerne melde deg som frivillig.
ASICS Sentrumsløpet blir arrangert av eit idrettslag og heile overskotet går tilbake til klubben. Vi har mange som bidrar frå klubb, men har også behov for fleire!
Vi set stor pris på all hjelp vi kan få.
Aukande: I fjor hadde Sunrise Medical 24 påmelde til Sentrumsløpet. Her er eit utval av laget. (Foto: Elin Sigurdsen)
Begynte å jogge etter Sentrumsløpet
Talet på tilsette i Sunrise Medical som har stilt til start i Sentrumsløpet, har auka dei siste åra. Fleire har begynt å trene etter at bedrifta begynte å organisere eigne turar til løpet.
HEILE BREIDDA: – Vi har med oss både tilsette som er heilt ferske med springing, og folk som er erfarne. Den raskaste frå Sunrise Medical i fjor var òg eldst. Det var Erik Fossum som sprang 10-kilometeren på 45.42 i klassen M60-64 år, seier ein imponert kundeservicemedarbeidar, Thomas Eriksen Sande, i Sunrise Medical, ei bedrift som produserer manuelle og elektriske rullestolar, scooterar og sittesystem.
Sunrise Medical ser på det å delta i Sentrumsløpet som eit positivt, helsefremmande og sosialt tiltak i bedrifta.
– Dette er på fleire måtar litt av bedriftshelsetenesta, både fysisk og psykisk. Det er eit tiltak for å auke den psykososiale trivselen på arbeidsstaden, og å fremme løpeglede og fysisk fostring. Ein kollega av meg, Elina Killa, uttalte eit år at Sentrumsløpet inspirerte henne til å jogge igjen etter mange år med pause, og at hun syntest det var gøy å oppnå nye mål i lag med hyggelege kollegaer, seier Thomas og legg til at mange synest det er stas å vere med i eit fellesskap av kollegaer som har gjort noko slikt saman.
– Det er unik teambuilding internt fordi vi har noko til felles gjennom løpet; vi har prestert og fortent den følelsen, og vi har tatt eit val om å yte før vi nyt, seier han.
Gjengen skal ha ei sosial samling rett etter løpet på Aker Brygge, og Afterrun-bankett seinare på kvelden som ei avslutning.
– Vi har ei veldig sjenerøs leiing ved Johan Brodd, som dekker både påmelding, hotell og bankett for deltakarane frå bedrifta, seier ein smilande Thomas.
Tilsette i Cisco trener i arbeidstida
Fjoråret: Ein fornøgd gjeng etter deltakinga på Sentrumsløpet 2023 der heile 47 tilsette i Cisco stilte til start. (Foto: Cisco)
Teknologibedrifta Cisco har tilsette med stor interesse for løping og langrenn. Treninga skjer på dugnadsbasis ved at de tilsette sjølve inviterer til for eksempel intervalløkter i lunsjen.
STOR INTERESSE: – Vi har mange sterke løparar i Cisco. Enkelte har maratontider ned mot 2.40-talet, men det er også stor interesse for både løping og langrenn blant folk utan konkurransefokus. Det er ikkje uvanleg at vi reiser på turar til løp, gjerne kombinert med noko sosialt etterpå som til dømes hagefest hos ein av dei tilsette eller ein tur på restaurant. Ofte blir dette heil- eller delfinansiert av bedrifta, seier programvareingeniør Andreas Aardal Hanssen hos Cisco.
Han fortel at Cisco har ei dugnadsånd der dei tilsette sjølve tar initiativ til å organisere aktivitetar som intervall i lunsjen og organisert påmelding til løp.
– Det er ein god kultur for å delta på slike arrangement, og vi føler det styrker det sosiale miljøet på jobb. I tillegg er det ein motiverande faktor for å trene, seier han.
AfterRun på Kaffistova
SOSIALT: Etter målgang og eit godt gjennomført løp kan du få i deg mat og drikke.
Det blir servert burger (kjøtt, kylling og vegetar) og Cæsarsalat.
Bestill bord allereie no. Ta kontakt med leiarkaffistova@bondeheimen.com.
Det er også mogleg med drop-inn.
Sosialt: Vi gjentar fjorårets suksess med AfterRun på Kaffistova. (Foto: ASICS Sentrumsløpet)